28x40x5 foi unha exposición colectiva comisariada por Rosa Neutro e Rubén de Torres que nace a partir dunha proposta cuxa principal premisa é intervir ou integrar –nunha caixa de madeira das mesmas dimensións que dan título á mostra–, as diferentes visións de 23 creadores e creadoras de Galicia que proveñen de disciplinas e traxectorias artísticas moi diversas.

Esta exposición dá continuidade a unha mostra que en 2015 ambos comisarios realizaron na desaparecida sala de exposicións Piso dos (Pontevedra), que naquel momento partía dunha caixa de similares características –e coa metade de artistas–, que facían unha particular interpretación deste obxecto contedor levándoo cara aos seus propios intereses artísticos. Algo que tamén fan nesta ocasión os creadores e creadoras que reciben a invitación para participar en tan particular mostra profundando nos diferentes significados e usos ligados á caixa como obxecto que resgarda e protexe secretos e tesouros, e que neste caso devén en obra de arte.

Das caixas poderiamos dicir moitas cualidades e usos ligados á vida cotiá, aos recordos e a actividades totalmente funcionáis da nosa vida, pero é importante resaltar neste caso a propia natureza da caixa que podemos ver reproducida vintetrés veces nesta mostra; a elexida é unha caixa concebida para conter e vender ostras, mercada no Porto de Vigo e que cada quen outorga unha dimensión que vai máis alá da súa función principal. Nalgúns casos segue sendo contendor de novos obxectos, fermosos e fráxiles, ou de imaxes que fican delimitadas polos seus bordes coma aqueles arquivos familares que envellecían en pequeñas caixas de madeira no pasado. Noutras obras o discurso escapa aos límites da caixa, explosionando nas márxes de esas rústicas tabliñas de piñeiro para expandirse pola súa contorna. Outros autores decidirán pechala para encerrar nela unha luz que proxecte pequenos universos de 28x40x5 cm que tentarán imitar ao cinema ou a un pequeno teatro de títeres. Vintetrés formas de entender unha caixa nun exercicio no que os únicos límites son as inquedanzas e os gustos de quenes participan.

Catálogo da mostra 28x40x5 / 117×150 mm / 66 páxinas

Texto: Xavier Queipo

Deseño gráfico: Rosa Neutro

Artistas e obras:

ABI CASTILLO
Corazón, 2024

ALBERTO PENA
Caída, 2024

ANA COSTAS
A fuxida de Ginebra, 2024

ANDREA COSTAS LAGO
Manter a memoria, 2024

ANXO CABADA
Sendas de névoa, 2024

CÈ TOMÉ
Sen título, 2024

CHUS VÁZQUEZ
Desintegración parcial del Ser, 2024

EDUARDO TORRES
Mensaje desvanecido, 2024

ELENA GÓMEZ DAHLGREN
Medianera

IRIA VÁZQUEZ
Panorámica dun voo encuberto II, 2024

LUCÍA ROMANÍ
Origen, 2024

MAR CALDAS
Marina Caldas Vázquez, 2024

MARK RITCHIE
El Jardín, 2024

MARÍA X FERNÁNDEZ
Home, 2024

PABLO OTERO
Unha aproximación ao Monte Castelo, 2024

PAULA F. BAÑUELOS
Cardume, 2024

PEPE CÁCCAMO
Arquipélago de Galiza, 2024

ROBERTO DE LA TORRE
El espíritu del Grano, 2024

ROSA GARCÍA
Distopía, 2024

SARA PRIEGO
Caja de fotos de la infancia, 2024

THIBAUD DUPUY
La ducha (Serie Voyeur), 2024

TONI VIDAL
La elección, 2024

XOSEL DÍEZ
Ceo ovellado, chan mollado, 2024